सिप्रदी ट्रेडिङका सुमन धमला विश्वकै उत्कृष्ट एड्भाइजर घोषित
टाटा मोटर्सको नेपालका लागि आधिकारीक विक्रेता सिप्रदी ट्रेडिङ प्रालिका सुमन धमला सर्वोकृष्ट सर्भिस एडभाइजर घोषित भएका छन् ।
टाटा मोटर्सका संसारभरिका सर्भिस एड्भाइजरबीच भएको ‘ग्लोबल स्किलफेष्ट प्रतियोगिता’ मा धमला सर्वोत्कृष्ट घोषित भएका हुन् ।
थाइल्याण्डको पटायामा भएको अन्तर्राष्ट्रिय प्रतियोगितामा १७ विभिन्न देशका प्रतियोगी सहभागी थिए । उत्कृष्ट २७ प्रतियोगीमध्येबाट धमलाले सर्वोकृष्ट सर्भिस एडभाइजरको उपाधि हात पारेका हुन् ।
उनले प्रतियोगिता अघि झण्डै ३ महिना कडा मेहेनतका साथ तयारी गरेका थिए । आफ्नो लगनशीलता, मेहनत र प्रभावकारी तालिमको नतिजा स्वरुप आफुले उपाधि जितेको धमलाले बताए ।
तयारीका बीचमा नेपालमा आएको बिनासकारी भूकम्पले मानसकि रुपमा तयार हुन गह्रो भए पनि उनले आफ्नो अठोटलाई निरन्तरता दिएका थिए ।
विश्कै सर्वोत्कृष्ट सर्भिस एड्भाइजर घोषणा हुँदा जिन्दगीको एउटा ठुलो सपना साकार भएको सुमनले बताए ।
‘यो सफलताको श्रेय सिप्रदी ट्रेडिङ प्रालिका व्यवस्थापक र सहकर्मी सर्भिस एड्भाइजरलाई दिन चाहन्छु’ धमलाले भने ।
भारतको टाटा मोटर्स संसारकै ठुला गाडी उत्पादक कम्पनी मध्ये एक हो । बसतर्फ तेस्रो ठुलो र ट्रक तर्फ संसारकै चांैथो ठूलो निर्माता कम्पनी हो । यसका उत्पादनहरु दक्षिण अफ्रिका, स्पेन, ब्राजिल र दक्षिण कोरीया लगायत ४४ भन्दा बढी देशमा पुगेका छन् ।
विश्वका ७ सय भन्दा बढी सर्भिस सेन्टरमा झण्डै २५ सयको संख्यामा सर्भिस एड्भाइजर कार्यरत छन् ।
Thanks for your visit..! Designed By Raaz subedi