महासंघले सोमबार राजधानीमा पत्रकार सम्मेलन गरी उक्त चेतावनी दिएको हो । सरोकारवालाहरुसँग छलफल नै नगरी सम्पूर्ण व्यवसायलाई नै धारासायी बनाउने गरी ल्याइएको नियम तत्काल संशोधन गरेर पुरानै व्यवस्थामा ल्याउन माग गरेको हो ।

यो व्यवस्थाकाविरुद्धमा व्यवसायीहरुले आगामी जेठ १३ गते सरकारलाई चेतावनीस्वरुप यातायात बन्दको आह्वानसमेत गरेको छ ।

आफूहरुको मागमा तत्काल सुनवाइ नगरे आगामी दिनमा अझै कडा आन्दोलन थाल्ने चेतावनी व्यवसायीहरुले दिएका छन् ।

यसअघि, २५ देखि  २०० रुपैयाँसम्म जरिवाना रहेकोमा ट्राफिक ऐन संशोधन गरी ५ सय देखि १५ सय रुपैयाँसम्म बनाइएको छ ।

ट्राफिकले जरिवाना रकमबाट पाउने १५ प्रतिशत कमिसन खारेज गरेर सम्पूर्ण रकम राजश्वमा जाने व्यवस्था मिलाउन पनि व्यवसायीहरुले माग गरेका छन् ।