उपत्यकामा यातायात कार्यालय थप गर्न प्रचण्डको निर्देशन
सवारीसाधनको संख्या बढेपनी सेवा कार्यालय कम हुदा बेहोर्नुपर्ने सास्ती हट्ने संकेत देखिएको छ । प्रधानमन्त्री पुष्पकमल दाहाल ‘प्रचण्ड’ले यातायात सम्बन्धि सेवा प्रदायक कार्यालय थप्न भौतिक पूर्वाधार तथा यातायात मन्त्री रमेश लेखकलाई निर्देशन दिएपछि यस्तो संकेत देखिएको हो ।
प्रधानमन्त्री प्रचण्डले सोमबार बिहान मन्त्री रमेश लेखक र यातायात सचिवलाई निवासमै बोलाएर यथाशिघ्र सेवा प्रदायक कार्यालय थप्न निर्देशन दिएको प्रधानमन्त्रीको सचिवालयले जनाएको छ ।
‘सेवाग्राहीको भिडभाड बढी हुदा काममा ढिलासुस्ती हुने गरेको जनगुनासो आएपछि त्यसलाई ब्यबस्थित गैर्न प्रचण्ड तातेका हुन ।
यातायात कार्यालयको कामलाई छिटो छरितो, प्रभावकारी, सुलभ र जनमैत्री बनाउन थप कार्यालय खोल्न उनले निर्देशन दिएको सचिवालयले जनायो ।
उपत्यकामा भक्तपुरमा १ र काठमाडौंमा थप २ कार्यालय थपेर छिटो सेवा दिने व्यवस्था गर्न मन्त्री लेखकलाई निर्देशन दिएका प्रचण्डले सवारी चालक अनुमति पत्रको परीक्षा एकैचोटी चार-पाँच हजारको संख्यामा लिन, नविकरण, रुट परमिट लगायतका कामलाई अनलाइन प्रणालीबाट सुरु गर्न पनि निर्देशन दिएका छन ।
Thanks for your visit..! Designed By Raaz subedi