तुलसा कोइराला । काठमाडौं । फागुन ४ । सिन्धुली सदरमुकाम सिन्धुलीमडीबाट तिनकन्या हुंदै नाकाझोली तर्फ जाँदै गरेको बलेरो जिप आज साँझ दुर्घटना हुंदा चार जनाको घटना स्थलमानै मृत्यु भएको छ । दुर्घटनामा परी १८ जना घाइते भएको छन् घाइते मध्य ७ को अवस्था गम्भीर रहेको छ ।
बीपी राजमार्ग अन्तर्गत सिन्धुलीको कमलामाई नगरपालिका–२ सेल्फीडाँडा नजिकै बा ११ च २२७५ नम्बरको जीप साँझ ५ बजे सडक देखि ५० मिटर तल खसेर दुर्घटना भएको जिल्ला प्रहरी कार्यालय सिन्धुलीले जनाएको छ ।
बलेरो दुर्घटनामा परी गोलन्जोर नगरपालीका ५ बस्ने बर्ष १९ बर्षिया नवराज थापा, बर्ष ५८ को लक्ष्मी देवकोटा, बर्ष २० का युवराज लुंगेली मगर र बर्ष २२ को रेशम कार्की रहेका छन् ।
बलेरो दुर्घटनामा परी मृत्यु हुने २० बर्षिया युवराज लुंगेली मगर हजुरबुबा भगत बहादुर लुंगेली मगरको तेह्रौदिनको काजकिरीयाको सामान लिएर गाँउ र्फकंदै गरेका थिए ।
दुर्घटनामा परी घाइते भएका ११ जनाको जिल्ला अस्पताल सिन्धुली र बाँकीको काठमाडौंमा उपचारको लागि पठाइएको जिल्ला प्रहरी कार्यालय सिन्धुलीका प्रहरी नायव उपरीक्षक विनोद शर्माले जानकारी दिए ।

Thanks for your visit..! Designed By Raaz subedi