आज ५४ वटा पम्पले निजी कारलाई तेल बाँड्दै (सूचीसहित) नेपाल आयल निगमले सोमबार ११ भन्दा माथिका लटका निजी कार तथा जीपका लागि पेट्रोल वितरण गर्दैछ । आज सोमबार ५४ वटा पम्पबाट निजी कारलाई तेल वितरण भइरहेको आयल निगमले जनाएको छ । एउटा कारलाई १५ लिटरका दरले तेल दिइएको छ । सोमबारका लागि सबै पम्पमा आइतबार बेलुकी नै तेल पुर्‍याइएको थियो । 

धेरैजसो पम्पमा बिहान ९ बजेदेखि तेल वितरण सुरु भएको छ । पेट्रोल भर्नका लागि नवीकरण भएको ब्लु-बुक अनिवार्य गरिएको छ । भारतबाट पेट्रोलियम पदार्थको आयात बढेपछि निजी चार पांग्रे सवारीलाई तेल वितरण थालेको निगमले यसअघि दुई दिन निजी कारलाई तेल दिएको थियो । अब २७ गते सोमबार ११ भन्दा माथिका लटका कारले तेल भर्न पाउनेछन् । सोमबार निजी कारलाई तेल वितरण हुने पम्पको सूची हेर्नुस्