१९ माघ, काठमाडौं । सुनसरीको इटहरी उपमहानगरपालिका–४ स्थित हलगडा चोकमा मंगलबार बिहान टिपरले ठक्कर दिँदा एकजनाको मृत्यु भएको छ । 

को१३प ९११९ नंको मोटरसाइकललाई सोही दिशाबाट आउँदै गरेको मे१ख १८२२ नंको टिपरले ठक्कर दिँदा मोटरसाइकल चालक धरान उपमहानगरपालिका–१३ निवासी यामबहादुर राईको घटनास्थलमै मृत्युभएको हो । मोटरसाइकल पछाडि बसेकी महिला घाइते छिन् । उनको नाम, थर भने खुल्न सकेको छैन । उनलाई चिन्ताजनक अवस्थामा बिपी कोइराला स्वास्थ्य विज्ञान प्रतिष्ठानमा उपचारका लागि पठाइएको प्रहरीले जानकारी दिएको छ । ठक्कर दिने टिपर र त्यसका चालकलाई इलाका प्रहरी कार्यालय इटहरीले नियन्त्रणमा लिएको जनाएको छ ।