राजधानी काठमाण्डौ लाई जोड्ने आत्तिने व्यस्त रहने हाइवेको रुपमा परिचित मुग्लिङ–नारायणगढ सडक  खण्डको सडक दैनिक रुपमा चार घण्टा बन्द गरेर निर्माण कार्य भइरहेको छ । 

  वरिपरिका अग्ला–अग्ला चट्टान फुटाँउदै सडक चौडा गर्नुपर्ने भएपछि हाल सडकको तिव्र गतिमा निर्माण कार्य भईरहेको छ ।

 नारायणगढ– मुग्लिङ सडकको मुख्यभाग कालिखोला देखि मुग्लिङ (सेतीदोभान घुमाउने) सम्म निकै अग्ला अग्ला चट्टाननै चट्टानको पहाड भएकाले यो सडक सम्पन्न हुन निकै समय लाग्ने भएको छ । हाइवेको लागी निकै सानो जम्मा पाँच मिटर मात्र पिच सडक भएकाले बढाएर नौ मिटर फराकिलो वनाइने भएको छ ।

यस क्षेत्रमा सडकको १६ किलो देखि आँपटारी सम्म ११ मिटर फराकिलो सडक बनाइने आयोजनाले जानकारी गराएको छ ।