काठमाडौं, २४ साउन (ओएनएस)  : फिस्टेल एयरको हेलिकोप्टर नुवाकोट, मदानपुर गाविस, बेतनीमा दुर्घटनाग्रस्त हुँदा पाईलटसहित ७ जनाको ज्यान गएको छ ।

गोरखाको फिलिमबाट काठमाडौंका लागि उडेको  हेलिकोप्टर मंगलबार दिउँसो बेतनी जंगलमा दुर्घटनामा परेको थियो । फिस्टेल एयरको थ्रीनाइन एन ए के ए  हेलिकोप्टर सोमबार दिउँसो १२ : २२ बजेबाट सम्पर्कविहीन भएको थियो । यसैबीच हेलिकोप्टर दुर्घटनामा परी ज्यान गुमाएका सातै जनाको शव पोष्टमार्टमका लागि शिक्षण अस्पताल महाराजगञ्जमा ल्याइएको छ ।फिस्टेलकै अर्को हेलिकोप्टरबाट सोमबार साँझ सातै जनाको शव पोष्टमार्टमका लागि ल्याइएको हो ।