चितवनकाे मुग्लिन नजिकै घाेप्टेभिरमा गाडी दुर्घटनामा परी वेपत्ता भएका पूर्वगृहमन्त्री तथा सरकारका मुख्यसचिव माधवप्रसाद घिमिरेका एक भार्इकाे शव अाज भेटिएकाे छ । 

पूर्व गृहमन्त्री घिमिरे अाफ्ना दुर्इ भाइसहित दुई साता अघि चितवनको दारेचोकस्थित घोप्टेभीरबाट त्रिशुलीमा खसेर वेपत्ता भएका थिए । हराएका तीन भाइ मध्ये माेहन घिमिरेकाे शव अाज भेटिएकाे हाे । माेहन घिमिरेकाे शव अाज तनहुँको देवघाट ४ बगहीस्थित त्रिशुली नदी किनारमा फेला परेको हाे । जिल्ला प्रहरी चितवनका डिएसपी दीपक श्रेष्ठका अनुसार त्रिशुली किनारमा शव देखेपछि स्थानीय माझीले प्रहरीलाई खबर गरेका र त्यसकाे अध्ययन गर्दा त्याे शव माेहन घिमिरेकाे भएकाे जानकारी दिए । 

शवसँगै माेहनकाे परिचय पत्र र उनकाे लाइसेन्स समेत फेला परेकाे थियाे । साेही अाधारमा शव घिमिरेको नै भएको पुष्टी भएको जिल्ला प्रहरी कार्यालय चितवनलेे जनाएकाे छ ।

शव फेला परेको स्थानमा जिल्ला प्रहरी तनहुंको टोलीले पुगेर मुचुल्का उठाएकाे थियाे । गाडी सहित त्रिशुली नदीमा वेपत्ता पुर्व गृहमन्त्री माधवप्रसाद घिमिरेका उनका अर्का भाइ प्रकाशचन्द्र घिमिरेको अवस्था भने अझै अज्ञात छ ।